По само неколку дена од објавувањето на спотот за песната I’m not here to make friends од Сем Смит, фановите на пејачот велат дека видеото е премногу компромитирачко за да биде слободно достапно за сите возрасти на платформата Јутјуб.
Критичарите веруваат дека достапноста за гледање на видеото мора да биде ограничена на корисници над 18 години поради неговата несоодветна содржина.
Ова е втор сингл од новиот албум на Сем Смит „Глориа“, по мега хитот Unholy.
Видеото, во режија на Тану Муињо, го прикажува Сем со машки и женски танчери во експлицитни комбинации, како што се комбинезони кои покриваат сè освен задниот дел.
Во дел од кадрите прикажани се мажи во кожена долна облека како се тркалаат на кревет и на подиумот за танцување, а пејач менува неколку фустани, корсети и потпетици во 4-минутниот спот.
