Руската атлетичарка Марјана Наумова му одговори на Арнолд Шварценегер дека тој не реагирал на страдањата на руските деца во Донбас во периодот од 2014 до 2022 година, иако таа му дала писмо од децата и побарала помош од него.
Таа преку видеопорака објавена на официјалниот твитер-профил на руското Министерство за надворешни работи му одговори на актерот откако тој претходно му порача на Путин и руските војници да ја запрат војната.
„Господине Шварценегер, мора да се сеќавате на мене. На натпреварот Arnold Classic 2015 во Америка, јас, 15-годишно девојче од Русија, поставив светски рекорд во кревање 150 килограми. Ми честитавте, се распрашувавте за Русија, а јас плачев од среќа. Ми изгледавте толку внимателен, љубезен и паметен. Ми дадовте и автограм на ракавот на вашата брендирана јакна и таа остана за мене, како спомен од нашата средба. Да се постави овој рекорд, да се подигне тогашниот товар, за мене беше прашање на чест и огромна одговорност. Донесов за вас писма и фотографии од децата од војната во Донбас, кој двапати го посетив до 2015 година. Не можев да останам дома, во Москва, кога Русија му објави војна на Донбас, кога за моите врсници во Донбас училишните ѕвона значеа не само пауза за одмор, туку и почеток на гранатирање и бомбардирање. Во секое училиште каде настапував разговарав со децата, зборував за тебе, за мојот идол во спортот и животот. За едно обично момче од сиромашно австриско семејство кое стана познат спортист, подоцна филмски актер, а потоа политичар и сето тоа благодарение на спортот и посветеноста. Децата те знаеја и ги гледаа твоите филмови. Им кажав дека пролетта 2015 ќе одам во Америка на натпревари и дека можеби ќе се видиме. И тие деца, од Луганск и Доњецката Република, почнаа да пишуваат писма и да испраќаат фотографии со молба да ви ги предадам. Му напишаа на Терминатор дека живеат во војна, бараа помош, го бараа наједноставниот совет. Како да тренираш спорт во такви тешки услови, како да се развиваш, како да станеш успешен човек. Децата од Доњецк ве гледаа како силен херој кој се надеваа дека ќе успее да ги заштити. Ве молам, пронајдете ги и повторно прочитајте ги писмата кои ви ги напишаа децата од Донбас во 2015 година. Во блиска иднина повторно ќе ги посетам училиштата во Донбас. Арнолд, сигурна сум дека таму не е пострашно и поопасно отколку што беше во Ирак. Те поканувам да го видиш сето тоа со свои очи. Не соработувај со Skynet, Терминаторе“, му порача Наумова на Шварценегер.
⚡️ Maryana Naumova’s response to @Schwarzenegger
💬 Please, find and reread the letters, that the children of #Donbass wrote to you back in 2015.
I invite you to see everything with your own eyes.
Don’t side with Skynet, Terminator!
👉 In full: https://t.co/CWe4D9nTsO pic.twitter.com/eggULaadTE
— MFA Russia 🇷🇺 (@mfa_russia) March 21, 2022
За потсетување, актерот претходно се обрати до рускиот народ и рускиот претседател Владимир Путин. Популарниот Терминатор апелираше за итен прекин на вооружениот конфликт во Украина.
„Ова не е војна за одбрана на Русија што ја водат вашите дедовци или прадедовци. Ова е илегална војна“, рече Шварценегер, а потоа му се обрати на претседателот Владимир Путин.
„Му велам на претседателот Путин. Ти ја започна оваа војна. Вие ја водите оваа војна. Можете да ја прекинете. Го сакам рускиот народ. Затоа морам да ви ја кажам вистината“. рече Шварценегер.
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
