Германците организираа прослава по повод 70 годишнината од каривурст, најпознатиот германски специјалитет. Станува збор за специјалитет на колбас исечен на парчиња, кој се служи со кари во прав и кечап.
Покрај каривурст, во Германија има повеќе од 1500 видови на германски колбаси. Сепак каривурст е еден од специјалитетите и најчесто се служи во хартиена чинија со помфрит.
Годишно се трошат по 800 милиони вакви колбаси. Германците го сметаат за културно наследство на земјата.
„Тајната е во квалитетот на месото. Во колбасот ставаме и говедско месо, домашно направен топол сос или кари кечап, а вкусот е огномет“, вели еден продавач на штанд со колбаси.
Каривурстот се појавил на крајот на Втората светска војна, кога храната била скапа и жителите на Берлин работеле напорно на изградба на разурнатиот град.
