Љубовен хороскоп за јуни

By

Овен

Ако сте во врска:

На почетокот на јуни можни се љубоморни испади помеѓу вас и партнерот. Ќе пројавите сомнеж еден во друг кога станува збор за верност и искреност. Време е да започнете сериозни разговори и да ја решите напнатоста. Ќе ја подобрите комуникацијата. Кон втората половина на месецот можно е уште повеќе да се искомплицира ситуацијата и да излезат на виделина некои тајни. На крајот на месецот ќе имате шанси за ефикасно надминување на кризата.

Ако сте слободни:

Ќе ве привлече некоја личност на почетокот на месецот и отворено ќе ви ги каже своите намери. Сепак постои голема можност истата личност да биде зафатена, па ќе започнете тајни односи. Меѓу вас ќе владеат страсти, но и интриги. Набрзо ќе сфатите дека се работи за промискуитетна личност, а тоа не ви одговара. Кон крајот на месецот ќе имате јасни ставови и ќе се стремите кон нивно исполнување.

Бик

Ако сте во врска:

На почетокот на месецот може да добиете замерки од партнерот дека не добива доволно внимание од вас. Времето повеќе го поминувате на социјалните мрежи и во контакт со друштвото отколку со партнерот. Обидете се да направите баланс, наместо еден со друг да си наметнувате доминантност и да предизвикувате кавги. Кон крајот на месецот ќе имате мотивација и ќе ги решите проблемите. Ќе добиете поддршка.

Ако сте слободни:

На почетокот на јуни ќе развиете силни чувства за личност која ви е пријател. Ќе чувствувате љубомора бидејќи љубовта не ви е возвратена на ист начин. Потребата да ги откриете своите чувства ќе ја потиснувате заради доброто на пријателството. Во втората половина друга личност од кругот на пријатели ќе почне да ве опсипува со внимание кое ќе ви годи. Ќе се зближите.

Близнаци

Ако сте во врска:

Во првата декада на месецот во врската ќе владее напнатост. Ќе бидете презафатени со други обврски и нема да обрнувате внимание на односот. Мора да најдете начин и да почнете да се впуштате во повеќе заеднички активности. Во втората половина ќе бидете мотивирани да ја зачините врската и да ги решите проблемите. Ќе разговарате и на теми како заеднички буџет, што претходно ви создавало грижи. Тоа ќе ве зближи повеќе.

Ако сте слободни:

На почетокот на месецот ве очекува познанство со личност која ќе ве привлекува со своето однесување, начин на зборување и шарм. Но, може да ви изгледа како недостапна. Ќе бидете неодлучни, но набрзо ќе сфатите дека имате заеднички интереси, па ќе почнете да ги правите чекорите редоследно. Можен е почеток на нова врска.

Рак

Ако сте во врска:

На почетокот, месец јуни ќе ви донесе несогласувања во односите со партнерот. Ќе се појави недоверба и љубомора, но сомнежите многупати ќе ви бидат неосновани. Премногу размислувате наместо слободното време да си го исполните со заеднички активности кои претходно не сте ги правеле. Излезете од монотонијата. Само така ќе ја ублажите напнатоста која владее. Кон крајот на месецот ќе се расположите и ќе почнете да зрачите со сензуалност.

Ако сте слободни:

Поголемиот дел од јуни ќе ви помине без посебни случувања на љубовно поле. Ќе бидете во контакт со повеќе личности, но брзо ќе ги оттурнувате од себе, бидејќи со ништо посебно нема да ви привлекуваат внимание. Дури во втората половина на месецот некој може да ве заинтересира, а дури и во онлајн разговори ќе најдете многу заеднички теми. Можно е да започнете врска, а доколку дојде до тоа, односите ќе ви бидат стабилни.

Лав

Ако сте во врска:

Месец јуни е погоден за да се насочите кон решавање на она што ви пречело во изминатиот период со саканата личност. Обидете се да ја подобрите комуникацијата и да почнете да се препуштате на доверба. Ќе откриете каде лежи проблемот за заладување на односите и ќе најдете начин повторно да се зближите. Во втората половина ќе работите на заедничките цели и ќе си пружите поддршка. Ќе имате повеќе време за меѓусебна забава и активности.

Ако сте слободни:

Ќе ви годи самотијата и нема да имате желба да трошите време на личности кои се обидуваат да ви го одвлечат вниманието на секој можен начин, а притоа немаат квалитети кои ве привлекуваат. Ќе почнете повремено да се гледате со личности кои ви се најблиски, а токму во тие кругови можеби ќе биде донесена личност која ќе ви се допадне и кон која ќе се отворите. До крајот на месецот може да почувствувате нешто повеќе.

Девица

Ако сте во врска:

Во првата половина ќе дојде до разнишување на довербата помеѓу вас и партнерот. Ќе бидете фокусирани само на личните цели, а често нема да споделувате многу работи. Тоа ќе доведе до конфликти. Мора да се случат промени. Во втората половина на месецот очекувајте порадосни моменти и забава во вашиот однос. Кон крајот на месецот ќе постигнете некоја заедничка цел и работите ќе почнат да стануваат стабилни.

Ако сте слободни:

Првата половина на јуни ќе ви донесе разочарувања на љубовно поле. Ќе ве привлекува личност која набрзо ќе покаже сосема поразличен впечаток од првиот. Имате чувство дека никогаш нема да најдете сродна душа. Во втората половина ќе запознаете некој кој на прв поглед ќе ви ги покаже сите вистински квалитети. Ќе имате заеднички теми и интереси, а крајот на месецот носи изненадувања.

Вага

Ако сте во врска:

На почетокот на јуни ќе имате несогласувања со партнерот. Имате чувства дека ви недостасува поддршка и како постојано да сте мета на критики. Саканата личност ќе ви замери на себичност и желба да приспособите сè на вашите потреби. Можна е и љубомора. Во втората половина ќе се фокусирате на врската и семејството. Ќе се ангажирате за заеднички работи и ќе се стабилизирате.

Ако сте слободни:

Почетокот на јуни ќе ви донесе засилени страсти и авантура која ќе биде бурна, но и зачинета со љубомора, заради што ќе заврши исто толку брзо како што почнала. Во втората половина ќе се запознаете или зближите со личност на далечина. Дури и преку пораки ќе најдете заеднички теми и интереси и ќе бидете подготвени и така да се одржувате.

Скорпија

Ако сте во врска:

На почетокот на месецот ќе завладеат тензични односи, љубомора и пресилни страсти. Често ќе влегувате во конфликти. Можно е некои тајни да излезат на виделина, потребни ви се повеќе интимни и искрени разговори. Кон крајот на месецот полека ќе ги решите проблемите и тешкотиите кои ви создаваат пречки. Ќе уживате во интимна атмосфера која ќе ви годи на двајцата.

Ако сте слободни:

Страстите ќе ви бидат зголемени, а тоа ќе ве вовлече во возбудлива авантура. Ќе имате топло-ладен однос со некоја личност, но кон крајот на месецот ќе решите дека е доволно игри. Ќе сфатите дека не ви ги задоволува сите потреби и ќе се фокусирате кон наоѓање некој кој повеќе ќе ви одговара. Нема да избрзувате.

Стрелец

Ако сте во врска:

На почетокот на јуни ќе имате можност да внесете новитети во врската и ќе ја направите поквалитетна. Ќе се зближите повеќе со партнерот и ќе ја подобрите комуникацијата. Ќе владее пријатно расположение во текот на целиот месец, но кон крајот може малку да се повлечете што се однесува до комуникација. Избегнувајте непријатни ситуации и недоразбирања.

Ако сте слободни:

Ќе запознаете некоја личност преку пријатели, која ќе ви го привлече вниманието и ќе ве заинтересира. Ќе бидете воодушевени од начинот на размислување и шармот во разговорите кои ќе траат со часови. Сепак, иако ќе почнете интензивно, кон крајот на месецот личноста ќе почне да се повлекува и до крајот на месецот односот ќе остане недефиниран.

Јарец

Ако сте во врска:

Со саканата личност ќе работите на некои заеднички цели и ќе имате одлична соработка и разбирање. Ќе успеете да исполните нешто што ви е многу важно и тоа ќе придонесе за поголема стабилност во врската. Ќе водите отворени разговори, а потоа ќе уживате во забавни активности. Можни се мали патувања во близина и почести прошетки во природа. Ќе уживате во времето посветено еден на друг.

Ако сте слободни:

Ќе ве привлекува личност која ќе ви ги разбуди скриените страсти, но нема да премине во ништо сериозно. Може да се впуштите во некоја кратка авантура. Потребен ви е некој во кој може да верувате и со кого може да планирате иднина. До крајот на јуни ќе ставите крај на авантурите и ќе се фокусирате на посериозен љубовен живот.

Водолија

Ако сте во врска:

Месец јуни ќе доведе до неопходни промени на љубовно поле. Ќе се потрудите да се приспособите еден на друг во работите за кои претходно не сте се согласувале. Ќе ви се појават пречки на патот, сомнежи и недоверба, но кон крајот на месецот, партнерот ќе почне да се бори за подобрување на односот. Ќе се фокусирате на заеднички живот и семејни односи. Потребно ви е повеќе забава и активности во животот.

Ако сте слободни:

Ќе ве привлекуваат личности со силен карактер и добар физички изглед, а токму таква ќе запознаете на почетокот на јуни, која ќе ги задоволува критериуми. На почеток ќе имате тешкотии да добиете внимание и ќе паѓате во искушение да се откажете. Ќе се случуваат нејасни работи, но полека ќе почнете да го добивате она што сакате. Ќе привлечете внимание и ќе почнете авантура.

Риби

Ако сте во врска:

Конечно ќе внесете новитети во врската и ќе го зачините односот. Време е да излезете од монотонијата во која бевте западнати. Потребно ви е подобрување на квалитетот на врската. Ќе имате позабавни моменти и случувања, а чувствата ќе ви се продлабочат. Ќе имате креативни идеи како да се занимавате, а ќе се решат и конфликтите и недоразбирањата. Доколку излезат некои прашања кои треба да се решат, не одолговлекувајте. Избегнувајте непријатни ситуации.

Ако сте слободни:

Ќе запознаете личност која долго ја демнете на социјалните мрежи или ја знаете преку близок пријател. Ќе се покаже како поразлична од повеќето кои ги познавате и ќе чувствувате како да сте ја пронашле сродната душа. Ќе има обострани симпатии и ќе бидете отворени за следен чекор, но по малку несигурни. Бидете внимателни.

Ќе ви се допадне