Новинарот на CNN Андерсон Купер за време на новогодишната ноќ, на плоштадот Тајмс сквер во Њујорк, испи повеќе од вообичаено и заедно со неговиот колега Енди Кохен на гледачите им приреди вистинско шоу.
Двајцата испија текила, по што Купер изјави дека не е навикнат премногу да пие алкохол и дека веројатно ќе биде тешко да остане присебен до крајот на емитувањето.
„Како да ми горат белите дробови“, коментирал Купер по испиената прва чаша правејќи чудни гримаси и крикови пред целиот аудиториум.
„Не е некој пијач“, коментирал колегата Кохен.
Медиумите пишуваат дека и двајцата по испиените неколку чашки, почнале да прават гримаси, а нивните говори подоцна биле неразбирливи за публиката. Во еден момент Купер се исплашил дека неговиот колега ќе се обиде да го бакне.
Ова не е прв пат новинарите на светската телевизиска мрежа да прават чудни работи за време на преносот во живо на новогодишната ноќ.
Досега биле забележани моменти како новинарите си ги дупчат увата, а имало и ситуации кога се соблекувале или пушеле марихуана пред светскиот еудиториум.
CNN’s Anderson Cooper taking shots while drunk on live TV: “Ah! Gaw! Ah! Aw! It’s like burning your lungs! Aw! [Weird hissing sounds]” pic.twitter.com/5XkM08PReo
— Ryan Saavedra (@RealSaavedra) January 1, 2019
