Водителката и инфлуенсерка Лила Филиповска пак се обидува да пее. Откако пред повеќе од дваесет години сними дует со водителот Александар Блажевски, потоа и со Мишко Барзов, Лила пееше и на „Охридски трубадури“. Таа сега има нова песна – „Тешко мене со тебе“, дует со Филип Пешевски.
Но, новата песна на Лила ги подели фановите. На едни им се допадна и ја пофалија, а други велат дека не ѝ личи и овој пат ептен ја промашила работата.
„Изгледа слабо ѝ оди со банкарот, па сега со пеење ќе си ја спасува кариерата?“, „Мислев дека ‘Ковид и секс’ е лошо, ова е на исто ниво“, „Лила, рекламирај накит и кремови за подмладување, пеењето остај им го на пејачите“, пишуваат на социјалните мрежи.
Песната „Тешко мене со тебе“ ја напиша Филип Пешевски, а аранжманот го направи Роберт Билбилов. Спотот го сними „Томато продукција“ на неколку локации во Скопје.
