50. изведба на „Првин ќе ме земеш, после ќе ме…“

Вчеравечер на сцената во Театар Комедија се одигра јубилејната 50. изведба на претставата „Првин ќе ме земеш, после ќе ме…“ во режија на Ѓорѓи Ризески, а во продукција на приватниот театар Театар Провокација од Скопје. Актерите Роберт, Мирјана и Дарко имаа одлична изведба, а што публиката им возврати со грмогласен аплауз и смеење до солзи. Ова е една од ретките претстави во која има интеракција со публиката – таа одлучува во кој правец ќе се одвива претставата, па секоја изведба е поинаква и неповторлива.

По претставата, гледачите беа поканети на заеднички коктел во фоајето на Театар Комедија, каде што свој настап имаа четворицата млади челисти. Публиката имаше можност да се запознае и да се подружи со актерската екипа.

Следната изведба е закажана за 17 март, на сцената на Театар Комедија.

Scroll to Top