Актерот Благоја Чоревски е лауреат на наградата „Васил Иљоски“ на Меѓународниот театарски фестивал „Денови на комедијата“ во организација на Центарот за култура „Трајко Прокопиев“ во Куманово.
Наградата на актерот ќе му биде врачена на 28 септември на отворањето на фестивалот, информираат од Центарот за култура „Трајко Прокопиев“ во Куманово.
Чоревски е роден во Велес на 9 септември 1947 година. Завршил Театарска академија во Софија во 1971 година. Член на Драмскиот театар од 1971 година. Бил директор на Драмскиот театар од 1983 до 1998 година. Настапувал во могубројни театарски претстави, филмови, ТВ серии.
