Кончита Вурст, победникот на Евросонг од 2014 година, се воодушеви од пеењето на Васил Гарванлиев во Ротердам. Откако Васил на својот инстаграм-профил објави видео и сподели дел од песната Here I Stand, Кончита го пофали и му даде комплимент за пеењето.
„Гласот!“ -напиша некогашниот победник на Евровизија, кој пред седум години ја освои наградата за песната Rise Like a Phoenix.
Ова беше еден од многуте комплименти што ги доби Васил по настапот на Евросонг. Меѓу оние кои му коментираа дека отпеал одлично, беа и Даниел Кајмакоски и Тијана Дапчевиќ, Тамара, а и повеќето новинари кои се занимаваат со естрaдата. Всушност, повeќето колеги од домашната естрада му дадоа поддршка на Васил и напишаа дека имал одличен настап.
За потсетување, Васил пееше во првото полуфинале на Евросонг, но не влезе во финалето.
