Виолинистот Никола Јанков – Коки е на одмор со својата ќерка Лара. Тој на својот фејсбук-профил објави фотографија како прават скара со ќерката.
„На топло место, без сеќавања. Почни да живееш или почни да умираш“, напиша тој под фотографијата од плажа.
Тој е на одмор само со ќерката, оти лани се раздели од сопругата Росана Јанков, портпаролот на АМСМ. Тој со неа беше 10 години во брак. По разводот со Росана, по четири месеци врска тој се ожени со адвокатката Маја, со која пред да ја запознае Росана биле во љубовна врска.
„Се знаеме многу добро затоа што ние бевме дечко и девојка пред да се оженам. Еве, по 11 години, пак се сретнавме и решивме со целиот живот зад нас да тргнеме заедно. Таму каде што си сакан и почитуван, таму е најтопло. Животот е таков, тој е за храбрите, а не за плачковци“, изјави Коки тогаш за „Репортер“, а кратко потоа и се ожени со Маја.
