Модната дизајнерка Маја Кикириткова ја промовираше својата нова колекција „Елеазар на Маја Кикириткова“. Ова е прва колекција на дизајнерката по породувањето и едногодишната пауза.
Кикириткова ја претстави својата пролетна колекција, а во неа доминираат пастелни бои, дополнети со бела и црна, и тантела што ја нагласува женственоста. Новата ready to wear линија е наменета за сите динамични жени, а парчињата можат да се носат и на работа и на вечерни коктел излегувања.
