Мери Акиевска освои злато на меѓународното првенство Херкулес Гранд При во бодибилдинг и фитнес во Скопје. Мери освои златен медал во категоријата велнес фитнес во која се натпреваруваа поголем број на учесници од различни земји.
Таа ја доби и IFBB International Elite Pro Card, што е престижна награда и желба за поголемиот број на натпреварувачи.
„Чест е и задоволство на еден ваков прекрасен настан, титулата да ми ја додели докажан шампион Михал Крижанек од Словачка. Прекрасно е чувството што во рок од една недела добив втора Про Карта и тоа на овој добредојден прв настан на Херкулес Гранд Прих од страна на Претседателот на Македонската бодибилдинг и фитнес федерација Бобан Ѓороски. Тој е мојот тренер на кој сум му благодарна што заедно работиме, освојуваме, ги браниме боите на Македонија, но и го презентираме нашето знаење и моќ“, рече Акиевска.
