Секоја година неколку познати личности го трчаат Виз Ер скопскиот маратон. Некои ја завршуваат трката на 5 километри, некои се решаваат за полумаратонот, а најподготвените ги трчаат сите 42 километри. Меѓу оние што годинава трчаа на 14. Виз Ер скопски маратон беа и Перо Камиказа од „Меморија“, кошаркарката и фитнес тренер Едина Муса, музичарот Илија Филиповски, актерот Игор Ангелов, поранешната водителка Анета Андонова, фудбалерот на „Вардар“ Влатко Гроздановски и други.
Претходните години на скопски маратон трчаа и момчите од Некст тајм, ама и манекенката Катарина Ивановска.
Оваа година на маратонот трчаа преку 10.000 луѓе. Специјален гостин беше светската рекордерка во маратонско трчање Пола Редклиф.
