Македонските јавни личности се преселија во Охрид. Кој за викенд, кој на летување, оти сезоната веќе почна. По танга, со разголени гради, накит и брендирани асесоари, повеќето од нив преку Инстаграм се пофалија дека уживаат. Едни во кафуле, други на плажа, а трети туристички го разгледуваа градот. Од Каролина и Катарина, Некст тајм и Дарко Димитров, до Тамара и Мелита, нема кој не е дојден.
Охриѓани велат се задоволни. Градот е преполн. Се бараат слободни соби, на плажа не може да се најде место, а и во кафулињата има многу домашни туристи. “Исто како во ’90-те, кога беше шема да се летува во Охрид, па дури и да е заради короната и затворените граници”, се коментира низ градот.
