Актерката Тања Кочовска објави на нејзиниот фејсбук-профил дека нејзината мајка, Невенка Кочовска, која боледува од алцхајмерова болест, веќе неколку часа не е вратена дома. Таа излегла утрово во 9:30 и сè уште не е вратена, вели Тања. Пред 2 часа била видена кај фонтаната во Градски парк.
Доколку ја видите, пишува Тања, или добиете некаква информација, напишете ѝ во порака на нејзиниот фејсбук-профил или јавете ѝ се на нејзиниот телефонски број.
Невенка Кочовска и нејзиниот сопруг Панче беа дел од ансамблот „Мањифико“, формиран во 1959 година и постоел до 1990 година.
