Македонска каратистка Пуликсенија Јованоска (28), која неодамна се натпреваруваше на Олимпијадата во Токио, е на одмор во Охрид. Таа објави фотографија на „Инстаграм“ во бикини и покажа дека има проблеми со депигментацијата на кожата, позната и како витилиго.
„Привилегија е да се биде поинаков. Ми беше тешко да прифатам, но сега си го сакам своето тело”, открива Јованоска.
„Ти си прекрасна“, „Ние со витилиго сме посебни“, ѝ коментираа фановите и пријателите.
Јованоска неодамна се врато од Олимписките игри во Токио. Таа го освои деветтото место во кати и е првата македонска каратистка што воопшто се натпреварувала на олимписки игри.
View this post on Instagram
Витилигото е кожно заболување што го напаѓа пигментот на кожата и се изразува со бели дамки на кожата. Понекогаш дамките се распоредени симетрично, така што некои луѓе имаат речиси еднакви дамки и на левиот и на десниот показалец. Околу 1 % од вкупната популација страда од овој кожен проблем.
Витилигото само по себе не е опасно за здравјето иако понекогаш може да биде поврзано со болестите на штитната жлезда.
Најпозната личност што се соочила со овој проблем е легендарниот поп-пејач Мајкл Џексон. Но, тој никогаш не проговори јавно за тоа. Многумина сметаат дека тоа е причината зошто тој целосно се избели.
