Актерката Весна Бејби Петрушевска прв Велигден без нејзиниот татко Кирил. Таа се присети како го поминувала празникот во негово друштво кога била мала и вели „ми правеше финти како да остане велигденското јајце твое здраво, а моето скршено… викаше така си им правел на децата во маало“.
Кога пораснала, вели Весна истата финта им ја правела на нејзините две деца, Кики и Мина.
„Денес баш и не ми се кршат јајца, не ми се смее денот. Како да ти кажам тато има една огромна празнина и ти во неа, ми фалиш да си поседиме надвор и да си разговараме кој заслужил судбина, кој не заслужил, да си раскажеме некоја од оние твоите, жал за младоста. Највеќе ми фали твојата широка насмевка. Беше најубав таков и остана…не остаре…отиде да се одмориш ….ми фалиш те сакам бескрајно“, сподели Весна Бејби.
Лани во септември почина таткото на Весна, кој го опиша како човек со голем дух и шарм. Исто така таа пишуваше и за љубота помеѓу нејзините родители Кирил и Сашка, и ги нарече „вечни тинејџери и прва љубов која инспирира“.
