Српскиот претседател Александар Вучиќ, кој е во посета на Македонија, се пофали дека конечно го запознал легендарниот фудбалер на Вардар и Црвена звезда Дарко Панчев. Тој објави и фотка на неговиот официјален профил на Инстаграм и не криеше дека му се исполнила желбата да направи муабет со еден од најдобрите фудбалери на овие простори. Панчев со Црвена ѕвезда стана европски и светски шампион, а во 1991 година ја освои Златната копачка.
„Со македонската и југословенската легенда Дарко Панчев. Чест ми е што успеав да се сретнам со големиот шампион“, напиша Вучиќ.
Претседателот на Србија, кој важи за голем љубител на фудбалот, но и спортот воопшто, е во посета на Македонија, заедно со албанскиот премиер Еди Рама.
