Момчило Митровски – Моцо деновиве го промовира својот нов проект, преработка на македонското изворно оро „Чамче“. Ова е најава за нешто ново од овој наш музичар.
„За овој проект соработував со докажана и проверена екипа, меѓу нив и виолинистот Влатко Крстев. Ова оро е само најава за она што го планирам, а се надевам дека ќе се реализира за брзо време. Станува збор за це-де кое ќе содржи преработка на стари македонски изворни ора“, вели Момчило.
Аранжанот за „Чамче“ го направи Александар Јовевски, а е снимено во студиото „Подрумот“. Видеото го изработи „Арт продукција“.
