Од италијанскиот клуб Наполи му го честитаа 24 роденден на македонскиот фудбалер Елиф Елмас. Елмас четири години игра за Наполи, тимот со кој минатата сезона ја освои и италијанската лига.
Од Наполи се пофалија и дека за мечот од Лигата на шампионите против Реал Мадрид на 3-ти октомври, продадени се сите билети, и стадионот „Диего Марадона“ во Неапол ќе биде исполнет до последно место.
Покрај Наполи роденден на Елмас му честитаа и од Македонската фудбалска федерација.
