Македонскиот музички продуцент Матеј Џајковски, кој со години работи во Лос Анџелес, ја продуцираше песната About That Time, која се најде на саундтрекот на серијата Inventing Anna, која во моментов е најгледана на „Нетфликс“. Песната ја пее аренби групата THEY.
„Слушнете ја новата песна на THEY од филмот Inventing Anna. Ја направивме заедно со Данте Џонс, Дру Лав и Кејлеб Контрерас. Одете на третата епизода, на 45:15 и слушнете ја“, напиша Матеј.
Џајковски низ годините има повеќе успешни проекти во соработка со светски артисти како Џон Леџенд, Мат Сорум од „Ганс енд роузис“, Џејмс Фантелрој и други.
Серијата на Шонда Рајмс е базирана на вистинита приказна. Таа се најде на првото место по гледаност во САД, Германија, Франција и други земји по една недела од нејзината премиера, на 11 февруари оваа година.
View this post on Instagram
