На 28 години почина моделот Филип Алексовски, член на модната агенција „Моделс ин“. Повеќе од десет години тој градеше успешна кариера во Македонија и регионот.
„Постојат луѓе што носат светлина во светот што е толку голема, дури и кога ќе си заминат, таа светлина ќе остане. Срцето ми е скршено“, вели Алек Наумовски од „Моделс ин“ и додаде дека Филип бил еден од најдобрите манекени во агенцијата.
Роден е на 1 октомври 1993 година во Скопје, а со манекенство почнал да се занимава во 2008 година. Работеше во Скопје и Белград на модни ревии и реклами, фотосесии и неколку големи кампањи.
„Последната ревија му беше во јуни на настан на британската амбасада. Исклучителен професионалец и модел кој поседуваше огромни квалитети. Филип остави голема трага на македонската модна сцена и ќе го паметиме како урбан и прекрасен лик, а јас лично како квалитетен модел, кој се појавува еднаш на 50 години. Огромна чест и привилегија е што беше дел од модната приказна на ‘Моделс ин’ повеќе од 10 години“, рече Алек Наумовски.
