Во пресрет на Светскиот ден на здравјето, 7 април, потсетуваме на разговорот со професор доктор Аспазија Софијанова
Муабетот со доктор Аспазија Софијанова, или меѓу луѓето позната како доктор Цули, не може да ти биде досаден. Сеедно дали тоа е муабет за медицината, модата, готвењето или шегите за Власите, оти и таа е Влаинка, докторка Софијанова за се има по некоја приказна.
„Види, ако Власите нешто најдобро знаат тоа е како да ги алоцираат парите. Влав ќе штеди за сè, ама за школо и за едукација ќе најде пари. Јас малку сум поинаква, иако и јас знам некогаш да размислувам цинцарски“, се шегува професор доктор Софијанова, која го носи името Аспазија по баби ѝ од Крушево.
На 21 година веќе ја имала нејзината поголема ќерка, Марија. Две години подоцна ја добила и втората ќерка, Анастасија.
„Не беше лесно да се студира па дури и да се поништуваат пониските оценки и да се биде мајка“, вели докторка Софијанова која е поранешен директор на Детската клиника.
Од муабетот за нејзиното специфично име и неговото значење, до тоа како го пребродила разводот и зошто е во добри односи со свекрвата, преку муабетот за популарниот татко, но и зошто ќерките не станаа докторки, за времето кога беше во политиката… Гледајте го интервјуто.
Александра Георгиев
