Фолк пејачката Соња Трчуловска се враќа на музиката, после подолга пауза. Таа деновиве сними нова песна и спот која ќе бидат објавени во декември. Соња веќе објави и неколку фотографии од снимањето.
“Снимав нова песна и спот и тоа ќе биде навистина нешто одлично. Името на песната и кој се работеше на неа ќе ги откријам за еден месец кога ќе биде и промоцијата“, открива за Репортер фолк пејачката.
Соња веќе подолго време нема издадено своја песна, а ја немаше ниту на музичката сцена. Но, често може да се види на јавни настани, спортски натпреври, како и на семејни патувања со Јохан.
Не е тајна и дека нејзината ќерка Мелни, тргна по нејзинте стапки, и се почесто е активна на музичката сцена.
Последен настап Мелани имаше на Макфест во Штип, а Соња неодамна ни рече дека се радува што и Мелани тргнала по нејзиниот пат.
