Ерменскиот пијанист Рубен Далибалтајан во катедралната црква „Света Софија“ ќе настапи со класичната музика вечерва во рамки на „Охридско лето“ . Концертот започнува во 20. 30 часот со делата на Шопен, Дебиси, Лист. Далибалтајан е победник на десет меѓународни натпревари во Ерменија, Кина, Хрватска и Италија. Уште како млад се позиционира на светската музичка сцена, а критиката го оценува како „суптилен пијанист чии изведби секогаш носат нешто ново и интересно“. Рубен Далибалтајан е роден во Ереван, каде го завршува основното музичко образование во класата на Анахит Шахбазјана, а потоа се сели во Москва каде продолжува да се едуцира во престижната академија за музика „Гнесин“. Настапувал секаде во светот, во Европа, Азија и Америка како рецитален уметник, солист со оркестар или како член на камерни ансамбли – дуо со неговата сопруга Јулија Губајдулина или со триото „Амадеус“. Неговиот репертоар се протега од барок до современи автори со посебен акцент на романтичниот период во музиката.
Суптилна пијано изведба на Рубен Далибалтајан вечерва на Охридско лето
