Новиот албум на Влатко Стефановски – Taftalidze Shuffle, во издание на Croatia Records, се најде на врвот на официјалната листа на продажба на албуми во Хрватска.
Taftalidze Shuffle претставува извонредна колекција на вокални и инструментални теми на Влатко преку кои бојата на неговата гитара е нешто што вечно останува во меморијата на слушателот.
Албумот содржи девет теми: Taftalidze Shuffle, Funky junkie, Игранка, Гаража, Global Warming – local freezing, Огледало, Немам песна за тебе, Раскрсница, Дијаспора.
Освен на компакт-диск, Taftalidze Shuffle на Влатко Стефановски деновиве Croatia Records ќе го објави и на винил.
