Тамара ко Мерилин Монро растури на Антички, ја крена публиката на нозе, му го прослави роденденот на Перо Антиќ и рапуваше ко Врчак

Вчеравчер во Охрид поп-пејачката Тамара Тодевска имаше концерт. По еден час од официјалниот почеток, се појави на сцената на Античкиот театер во стил на Мерилин Монро. Рече дека со концертот ја слави победата над сè она што се случуваше изминативе две години. Тамара имаше одличен концерт и вистинска журка. Ја стана публиката на нозе, растури со добра песна и хитови,  рапуваше ко Врчак.

Во публиката беше и кошаркарскиот ас Перо Антиќ, кому му беше роденден, па пејачката му го честиташе. Антиќ на концертот дојде со топ-моделот Катарина Ивановска, која долги години ѝ е една од најдобрите другарки на Тамара.

Најгласно ја бодреа нејзината ќерка Хана, која од првите редови извикуваше „Мама, мама” и нејзината сестра Тијана. Тука беше и сопругот Мачка, ама пејачката се пофали дека на концерт ѝ е дојдена фамилијата до трето колено. 

Не го заборави Влатко Илиевски, кому му ја посвети песната „Гушни ме”, и кажа дека на последниот настап ја пееле заедно, па дека сигурно сега тој пее од горе. Се извини и поради доцнењето, по што кажа дека ѝ е многу драго што концертот го одржува на Античкиот театар во Охрид. Пред неа, настапи Лара Иванова.

Низ песните кои одлично се претопија во атмосферата на Антички не заборави да ја спомене и грешката за химната па рече: „Знам дека мојата непромислена грешка ќе ме следи додека сум жива“.

На концертот на Тамара се почитуваа мерките, оти меѓу публиката имаше дистанца, а двете од трибините не беа исполнети. Тие кои не сакаа да платат билет, концертот го следеа надвор од Античкиот театар, распослани по тревата и оградата.

Кристијан Ландов