Фолк-пејачите Тања и Новица во својот дом во Мелбурн ги пречекаа Анета Молика, нејзиниот маж Џими и момците од бендот. Им извадија полна трпеза и ги нагостија по македонски адети. Пејачите не криеја дека си поминале убаво, па Тања објави неколку слики на социјалните мрежи. Вели, нејзиниот помал син Стефан бил најсреќен што Анета им дошла дома, оти ѝ ги обожава песните.
Анета и групата „Молика“ во моментов се на турнеја во Австралија. Таму ќе одржат повеќе концерти пред македонските иселеници.
