Елиф Елмас, македонскиот фудбалски репрезентативец кој игра за италијанскиот „Наполи“, се најде на календарот на клубот за 2020 година. Со него на сликата е и девојка која носи фустан во боите на македонското знаме.
„Наполи“ објави видео со кое го најави излегувањето на календарот, а на кое се гледа како биле снимени фотографиите. „Еден град, еден клуб, еден свет“ е мотото на новиот календар. Освен Елмас, во календарот се вклучени уште 11 други фудбалери и 12 девојки, кои преку фустани ги прикажуваат знамињата на државите од кои доаѓаат играчите.
