Мими Јовановска од Велес со пет гласа се пласираше во петтиот круг на музичкото шоу „Ѕвездите на Гранд“. Откако го воодушеви жирито пред неколку месеци, а на последниот настап доби коментари дека била лоша, за пеењето на Мими повторно имаше поделени мислења.
Ѓорѓе Давид и Вики Миљковиќ ѝ го дадоа својот глас уште во првите секунди кога почна да пее, но Мили од бендот „Милиграм“, кој годинава е директор на шоуто, ѝ кажа дека не го воодушевила.
„И во првата и во втората песна на половина изгуби душа. Затоа не ти дадов глас, морав некако да те казнам, за да сфатиш каде грешиш, колку и да пееш убаво. Ако го слушаш твојот ментор што те советува, вакви грешки нема да има“, ѝ кажа Мили.
20-годишната велешанка вчера во шоуто ги пееше „Циганка је малена“ од Есма Реџепова и народната песна „Катерино моме“. Ментор на Мими е познатиот пејач Џенан Лончаревиќ, кој рече дека ќе работат уште повеќе ако Мими се пласира во следниот круг.
Настапот на Мими почнува на 1:30:45.
