По подолга пауза, поп-ѕвездата Каролина заедно со Дуке Бојаџиев и Исмаил Лумановски ја промовира песната „Идила“. И ова е прва од единаесетте песни, преработки на едни од најубавите подзаборавени композиции, чии оригинални автори се најпознатите и најзначајни имиња во македонската забавна и џез-музика: Драган Ѓаконовски-Шпато, Љубомир Бранѓолица, Димитар Масевски, Тодор Бојаџиев и др. Со ова го највија и новиот албум на Каролина, кој ќе излезе во сепември.
Композитор на песната „Идила“ е Драган Ѓаконовски – Шпато, пијано и аранжман – Дуке Бојаџиев, а на кларинет е Исмаил Лумановски.
Пејачката на социјалните мрежи им ја претстави на своите фанови својата најнова песна.
