Пејачката Лара Иванова преработи еден од најголемите божикни хитови на Аријана Гранде, Santa Tell Me. Со оваа песна Лара ги најави новогодишните празници. Таа не крие дека го обожава овој период од годината, па затоа, вели, решила да сними празнична песна.
„Ја избрав Santa Tell Me бидејќи ми е една од омилените новогодишни песни, а и Аријана Гранде како уметник ми е голем пример во кариерата. Песната ја снимив во студиото кај Робер Билбилов. Користевме готова матрица, а јас ги отпеав главниот вокал и придружните вокали. Реакциите се одлични и многу луѓе се позитивно изненадени од изведбата“, рече Лара за „Репортер“.
И коментарите на Јутјуб се одлични. „Нема нешто што Лара не може да отпее“, „Сега Аријана да направи кавер на ‘Душа’“, пишуваат обожавателите на младата пејачка.
Лара неодамна во интервју за „Репортер“ најави дека спрема неколку песни, но и интересни проекти и дека дел од нив ќе ги промовира до крајот на годината.
