Дјук Елингтон Морис е првата мачка која ги исполнила условите да биде дел од „Wag Brigade“, програма во која обучени кучиња (а сега и една мачка) им помагаат на патниците на аеродромот да се ослободат од стресот. На луѓето на кои им е потребна утеха пред летот можеби ќе се чувствуваат подобро откако ќе го видат најновиот регрут на Меѓународниот аеродром во Сан Франциско, 14-годишниот мачор Дјук Елингтон Морис.
Purrlease welcome our newest Wag Brigade member, Duke Ellington Morris! 🐱 pic.twitter.com/FDSw1a55Ef
— San Francisco International Airport (SFO) ✈️ (@flySFO) June 8, 2023
Дјук во 2010 година бил пронајден на улица со други мачки и бил донесен на Одделот за нега и контрола на животните во Сан Франциско. Се поврзал со 5-годишно девојче кое го посвоило и го охрабрило семејството да го дресира за да добие сертификат како тераписко животно.
„Оттогаш Дјук е сертифициран како животински терапевт, им помага на луѓето да се справат со стресот, болестите и тегобите и става насмевка на нивните лица кога тоа им е најпотребно“, велат од аеродромот.
