Објавени номинациите за наградата МАРС

На 14 ноември во МОБ ќе се одржи десеттото издание на Македонскиот радиски фестивал МАРС 2017. И овој пат ќе бидат избрани најпопуларните радиски хитови на годината, селектирани од преку триесет радиостаници од Македонија кои до организаторот ги испратија своите листи со највртени македонски хитови во тековната година.

Во првата селекција имаше 500 песни испеани од над 100 домашни изведувачи, но во финалната листа се најдоа само единаесет, и тоа: Влатко Лозаноски со „Ова лето ќе се памти“, Кристина Арнаудова – „Љубена“Викторија Лоба и „Дојди“, Ај кју со „Мојот крал“, Сара Мејс со „Небо“, Наташа Малинкова – „Хеј мама“, ДНК со „Невозможна мисија“, Димитар и Тајфата со „Остани“, Теа и Панчо – „Рушевини“, Ања Ветерова со „Рамбамбам“ и Некст тајм со „Слушам кај шумат шумите“.

Организаторот најави специјални гости, чии имиња во моментов не ги открива, но, сепак, ќе бидат домашни музичари, а не како вообичаено изведувачи од регионот.

Scroll to Top