Рап артистот Марко Маринковиќ-Слаткар е заштитно лице на новата кампања за легализирање на марихуаната. Тој се приклучи на Здружението за канабис и зелени политики „Билка“, а го промовираше и спотот за песната “Амстердам”, кој го снимаше неодамна во Аместердам, Холандија. Во спотот тој пуши марихуана, а друштво му прават проститутки од улицата на Црвените фенери.
„Чест ми е што сум 18 официјален член на „Билка“. Треба да сме лидери во нашиов дел на Европа, јас сум за легализација, но тоа ќе оди чекор по чекор. Само тоа може да не извади од овие економски гомна“, рече Слаткар.
„Не сакаме да сме последна земја во светот што ќе ја легализира марихуаната“, раче Џон Илија Апелгрин на денешниот прес.
Од „Билка“ најавија дека сакаат во Собрание да говорат за придобивките од канабисот, да биде законски и да се дозоли користење марихуана. Да се утврди колку грама марихуана може да поседува некој, ама не да се смета за продажба, туку за лична употреба. Здружението за канабис и зелени политики „Билка“ ќе вклучува уште јавни личности во кампањата.
