Со петиција и собирање на потписи, граѓани во Србија бараат одземање на лиценци на две српски телевизии поради содржината која ја пласираат во јавноста и во која се канат дури и криминалци со дебели досиеја да гостуваат или учествуваат во реални шоуа.
Онлајн петиција за гасење на две телевизии – Пинк и Хепи се појави во Србија по трагичните настани во Белград
„Бараме на телевизиите Пинк и Хепи да не им се доделуваат национални фреквенции. Овие две телевизии во голема мера ги искористија доделените национални фреквенции за да го прекршат Законот за електронски медиуми“, се наведува во описот на петицијата која за краток период собра над 300 илјади потписи.
„И покрај тоа што се општи даватели на медиумски услуги, што значи дека мора да имаат документарна, културна, научно-образовна и детска програма, овие две телевизии немаат врска со детска програма само кога во студиото покануваат локални политичари за кои тврдат очевидци дека заведува малолетници, а ние имаме обврска да застанеме на патот кон ваквите гадости, без разлика на потенцијалните несогласувања, политички несогласувања или различни определби“, стои во образложението потпишано од Лука Трипковиќ од Здружението за заштита на уставноста и законитоста и народното движење„Крени – Промјени“.
Заедно со наглото зголемување на бројот на потписи, се зголемува и бројот на коментари од разочарани граѓани.
„Долго време страдаме од содржини кои не се соодветни за нашите деца“, „Доста е“, Сакам моите деца да растат со квалитетна образовна програма, наместо со вулгарност и насилство што им се сервира секој ден“, „Долготрајно труење на нацијата и децата. На луѓето кои никогаш не треба да се појавуваат на телевизија им се дава видливост и глас. Ако не сакаме целосно да ја уништиме оваа земја, тогаш ова е од големо значење“, „Националната фреквенција не смее да пропагира агресија, омраза и едноумие“, се дел од коментарите.
Целта на петицијата е да се соберат 400.000 потписи.
