Хип-хоп пејачот Слаткар објави нова песна “Отворено писмо“ со која јавно кажа дека ќе гласа ЗА, на Референдумот на 30 септември.
Тој во песната вели „Живееме у шупа, ни фалат евра, никој не не игра, јебига друга опција нема….“. Марко Маринковиќ – Слаткар веќе неколку години е на домашната сцена и до сега преку неговите песни, секогаш јавно кажувал што не му се доаѓа, и во општеството и во неговиот личен живот. Тој до сега не пееше ниту за една политичка партија, а зад себе има успешна кариера и речиси сите песни му се хитови.
