Златан Ибрахимовиќ и купи црква на мајка му Јурка од 9,24 милиони евра. Поранешната ѕвезда на Милан, во својата автобиографија „Адреналин“, откри дека за полубратот Александар купил холдинг компанија, стан за татко му, а имот кој го имал во Мајами и Њујорк, го префрлил во рајски зони.
Ибрахимовиќ напиша дека на мајка му ѝ купил стан во островот Паг во Хрватска за да биде поблиску до нејзините сестри. Јурка Гравиќ е од селото Пркос кај Шкабрња во задарската област. За нејзиниот животот за медиумите зборуваше брат ѝ Гојко Гравиќ кој живее во Пркос.
Рече дека Јурка на 17 години заминала на работа во Германија, каде што во Задар се запознала со Аниќ од Крушево. Му родила две ќерки Моника и Виолета. Кога бракот ѝ се распаднал, се омажила за пејачот на кафеана Шефик Ибрахимовиќ, од Бјелина, познат како Кинко.
Му родила две деца, Златан, кој стана фудбалска легенда и ќерката Санела. Кога се распадна бракот на Јурка и Шефик, дојдоа тешки денови за Златан, кој во детството бил повеќе гладен отколку сит.
Прво живеел со мајка му, која работела и како куќна помошничка, а потоа со својот татко, кој се лекувал од алкохолизам. Тој не го крие тешкото и проблематично детство во кое лесно можел да го допре дното, но благодарение на карактерот го достигна врвот.
Дека е голем човек докажа кога топло зборуваше за мајка му за која рече дека не ѝ било лесно да работи и да одгледува пет деца. Златан успеал да префрли дел од милионите во фирмите кои им ги доверил на мајка му и очувот Александар. Нејзиното петто дете е вонбрачно.
Полубратот на Златан се вика Александар Ѓорѓевиќ. Златан имал и полубрат Шапко од страна на татко му Кинко. Шапко го добил името по покојниот брат на Шефик, Сабахудин, кој за жал починал во 2014 година на 41-годишна возраст. Неговата смрт тешко го погоди Златан.
Не само што ѝ купил стан во Паг, туку и во Новаља. Новиот луксузен стан е регистриран на неговата сестра Санела. Исто така, како што пишува Imperial.net, на Јура ѝ купил и црква во Шведска за 9,24 милиони евра. Поранешната собарка која по 14 часа на ден се трудела да ги одгледува своите пет деца, денес вели дека е горда и задоволна.
Imperial.net пишува дека приказната на фудбалерот е и водич за тоа како милијардери од нивото на Златан управуваат со империјата на луксузни недвижности преку компании регистрирани на членовите на семејството, како и преку адвокати специјализирани за трансфер на сопственост во даночните оази.
Шведска е уредна и транспарентна скандинавска земја, така што кај нив нема мистификација каде живее некој, колку вреди недвижноста во која живее, а преку нивните регистри може да се добијат низа податоци кои во Хрватската агенција за заштита на личните податоци би се сметало дека претставува повреда на приватноста.
Благодарение на овој систем на матични книги, се знае каде живеат сега членовите на најтесното семејство на Златан Ибрахимовиќ. Ибрахимовиќ на татко му му купил нов покрив над главата во ексклузивен дел на Малме.
71-годишниот Шефик, кој едвај врзувал крај со крај додека го одгледувал Златан и додека ги посетувал балканските пабови во тој дел од градот, каде и се лечел од депресијата, рече дека сега на овие години не би можел да си дозволи скап стан.
Јурка живее во улицата Хенрик Менандерс во Малме. Иако е репрезентативна адреса опкружена е со соседи од сите земји на поранешна Југославија.
Санела Ибрахимовиќ е единствената сестра на Златан, која Јурка ја имаше во бракот со Шефик. Живее во улицата Слотсгатан, која се наоѓа во непосредна близина на Музејот на модерна уметност во тој град.
Има и стан во Новаља. Санела е наведена во шведскиот телефонски именик со адресата на станот на нејзината мајка Јурка. Во непосредна близина живее и полусестрата на Златан, Моника Аниќ. Таа има 52 години и е администратор во социјалните служби.
Најмладиот полубрат на Златан, Александар Ѓорѓевиќ, живее со сопругата Линда Софија Ѓорѓевиќ во улицата Маберсгатан. На таа адреса е и една од фирмите преку кои Златан управува со својот недвижен имот кој формално им припаѓа на Јурка и братот Александар.
Другите две фирми во кои е активен полубратот на Златан се оние во кои менаџерска улога има и Јурка.
