Керолајн Лајнен е девојката која го расипа пријателството меѓу Кевин де Бројне и Тибо Куртоа. Фудбалерот на Манчестер Сити и голманот на Реал Мадрид, во вторникот имаа голема пресметка во Лига шампиони, а историјата на нивното познанство е долга.
Двајцата некогаш беа најдобри пријатели и другари и секојдневно комуницирале и додека играле за тимови од различни држави. Но, тогаш во нивните животи се појавила Керолајн Лајнен и нивното пријателство се растури.
За време на една нејзина посета во Мадрид, таа решила да го изневери де Бројне со неговиот добар пријател и колега од националниот тим Куртоа. Лајнен во тоа време била во врска со фудбалерот на Манчестер Сити. За неверството Бројне брзо дознал и никогаш не ѝ го простил.
„Се сомневав дека ме изневерува со најдобрата пријателка и затоа сакав одмазда. Тибо беше многу добар кон мене, ми подготви и вечера. Кевин никогаш не ми приредил такво нешто“, рече Керолајн во едно од нејзините интервјуа.
Бројне беше прашан дали поради неверството, Куртоа треба да биде исфрлен од националниот тим на Белгија. Тој одби такво нешто и рече дека репрезентацијата треба да го задржи еден од најдобрите голмани во светот. Но, односите меѓу нив двајцата никогаш не се поправија.
Години по аферата, двајцата воопшто не комуницираат, а на собирите на националниот тим еден на друг се обраќаат само професионално. Денес Керолајн е среќно омажена и вели дека аферата за неа е минато. И двајцата продолжија понатаму. Кевин веќе со години е во брак и има деца.
Куртоа пред неколку месеци се пофали дека е во врска со манекенка од Израел.
