Марко Блажевски е новиот шампион во Твинго Кап кој се одржа на патеката Серес во Грција. Тој триумфираше и го победи неговиот конкурент Давид Малинковски. Двајцата возачи влегоа во последната трка со ист број на бодови и нивниот дуел го реши шампионот.
Блажевски е трет шампион во Твинго Кап откако тоа му успеа на Мартин Делев во 2019 и на Давид Малинковски лани. Марко кој се вклучи лани во втората половина од сезоната во Твинго Кап сега победи на пет од вкупно деветте трки што се возеа.
Во генерален пласман Блажевски сезоната ја заврши со 135 бода, пред Малинковски кој собра 130. Зоран Мираковски кој на седум од деветте трки беше на подиум освои 100 бодови.
Фото: 24auto.mk/ Слободан Ѓуриќ
