Македонскиот сликар и скулптор Митко Тошев направи портрет на хрватскиот кошаркар Дражен Петровиќ, а делото е изложено во музејот во Загреб. Тошев своето дело му го врачил на внукот на Дражен Петровиќ, Марко Петровиќ.
Фотографијата на која Петровиќ е во дрес на Њу Џерси Нетс е направена во 1993 година од прославата на натпреварот против Лос Анџелес Клиперс во „Меморијал спортс арената“ во Лос Анџелес, Калифорнија.
Митко Тошев, инаку, е професор по ликовна уметност во струмичката гимназија „Јане Сандански“. Македонскиот сликар досега има направено портрети и од макеоднскиот најдобар ракометар Кире Лазаров, браќата одбојкари Георгиеви, како и од тенисерот Рафаел Надал. Автор е на бронзена статуа со ликот на македонскиот пејач Тоше Проески, која им ја подари на родителите на Тоше.
Дражен Петровиќ е еден од најдобрите кошаркари во историјата кој во 1993 година загина во сообраќајна несреќа како совозач на автопатот 9 кај Денкендорф, Германија, четири и пол месеци пред неговиот 29. роденден. Неговиот возач Клара Шаланци, германска манекенка која била во врска со Петровиќ, и патникот на задното седиште, турска кошаркарка, биле тешко повредени
Во негова чест во Загреб е отворен музеј, каде што се сместени негови лични работи, и овој музеј е отворен за посета.
