Посните палачинки се подготвуваат без млеко и јајца, а вкусот нема да ве разочара. Ќе ги направите дури и по завршувањето на постот – сигурни сме во тоа!
Овие посни палачинки се исто толку вкусни како и обичните.
Состојки:
– 500 мл вода (плус уште малку за да се разреди до густина на течен јогурт)
– 350 г меко брашно
– 1 лажичка шеќер
– половина лажичка сол
– 2 кесички ванилин шеќер или арома
– малку рендана кора од лимон (по желба)
– 3 лажици масло за тестото + неколку капки масло за пржење
– 1 лажичка прашок за пециво
Подготовка:
Измешајте вода, шеќер, сол, ванила, масло и рендана кора од лимон. Додадете го брашното и прашокот за пециво. Мешајте додека нема грутки и печете во добро загреан тавче.
Додека печете – намалете, т.е. прилагодете ја температурата за да не изгорат палачинките. Печете ги од двете страни. Намачкајте ги по желба, замотајте ги и – уживајте!
