На српскиот тенисер Новак Ѓоковиќ му беше тешко по поразот од шпанскиот тенисер Алкараз, па по мечот не можеше да ги задржи солзите, но како и секогаш, остана џентлмен и имаше само пофални зборови за Алкараз.
Интересна сцена која не можеше да се види во преносот, во која синот на Ѓоковиќ, Стефан му подаде рака на Алкараз и му честиташе за победата на Вимблдон.
Новак не можеше да ги задржи солзите кога на трибините го здогледа синот, кој без разлика што татко му е поразен, беше насмеан. Потоа рече дека му е многу драго што неговиот син се уште се смее.
Ѓоковиќ ја пропушти можноста да стигне до 24. Грен слем, но секако е горд на својот син, кој искрено му честиташе на својот ривал.
