Видео од писател како да му потонале чамците затоа што никој не дошол на потпишувањето на неговата книга, поттикнало тиктокер да му пријде и да разговара со него. Видеото е прегледано повеќе од 17,4 милиони пати, а многумина решиле да го купат неговиот фантастичен роман.
Првата книга на 58-годишниот Шон Ворнер од Арлингтон, Тексас, стана бестселер на Амазон, откако на Тик ток беше објавено тажно видео од писателот кој немал никој да дојде да ја потпише неговата книга.
На видеото кое го снимил тиктокер со прекар Ред, може да се види како седи на масата на која се наоѓаат неговите книги. Сфаќајќи дека луѓето не застануваа, Ред одлучил да му помогне и да ја објави книгата на социјалната мрежа.
Видеото набрзо се прошири на интернет, пишува Дејли Мејл, а луѓето побрзале да го купат нивниот примерок од книгата. Набрзо книгата на Шон е лансирана на најпродаваното место, а авторот признал дека дотогаш продажбата не му одела добро.
Ред објасни како прво поминал покрај Шон, кој изгледал поразено, а потоа решил да се врати и да сними разговор во кој авторот го раскажува заплетот на неговиот дебитантски роман Леи Хауард и духовите на замокот Симонс-Пирс. Како што открил, станува збор за тинејџерка која се здружува со дух кој има повеќе личности за да ја реши мистеријата за убиството на нејзините родители.
Во видеото, Тиктокер побара од писателот да ја потпише книгата, која ќе ја подари на еден од неговите 24.900 следбеници, а додаде и фотографија од страната на Амазон каде што може да се купи книгата.
Исто така, тиктокер сподели фрагмент од биографијата на Шон во која авторот вели: „Мојот живот беше и останува фантастична авантура. Најнаградувачкиот дел е дефинитивно оној каде што сум сопруг на неверојатна сопруга и татко на две големи деца кои сега се пораснати. Бев падобранец, терапевт и инженер. Во минатото нуркав, тренирав боречки вештини и банџи скокање. Сега го живеам мојот детски сон да станам писател“.
Во натписите на видеото Ред вели дека не го познава Шон и дека не се работи за промоција, туку само сакал да биде фин со странецот. Признал дека не ни чита книги, но сепак нешто го поттикнало да купи неколку книги.
@internetfamouslol I was just shopping when i noticed this man trying to promote his new book. I honestly dont even read books nowadays. But something just told me to get a couple. #booksoftiktok #booktok #newauthor #showlovenothate #fyp #newbook #murdermystery #murdermysterybook #bookgiveaway ♬ original sound – Red
