Во двор на ресторан во Лешен, во југозападна Кина се пронајдени отпечатоци од стапала на диносаурус стари 100 милиони години.
„Неколку камени јами во ресторанот содржеле отпечатоци од два сауроподи, вид диносауруси кои живееле во раниот период креда“, рече Лида Ксинг, палеонтолог и професорка на Кинескиот универзитет за геонауки. Нејзиниот тим го потврди откритието минатиот викенд со помош на 3Д скенер.
Сауроподите, познати по долгите вратови и опашки, се најголемите животни што некогаш оделе на Земјата. Двата сауроподи кои оставиле траги веројатно биле долги околу 8 метри, вели Ксинг.
Иако во Сечуан се откриени многу фосили од диносауруси од периодот јура, многу повеќе фосили се пронајдени од периодот креда. Ксинг откри дека периодот креда е златното доба на диносаурусите и дека ова откритие е како парче од сложувалката која го опишува периодот креда во Сечуан и е сведок на различноста на диносаурусите.
Брзиот развој на Кина во последните децении ја отежна палеонтологијата, односно проучувањето на древниот живот преку фосилните записи.
„Реткост е да се најдат фосили во град, бидејќи сите се покриени со згради“, изјави Ксинг.
Нејзиниот тим има за цел да ги посети местата со потенцијални откритија во рок од 48 часа по добивањето извештај, поради страв дека „во рок од неколку дена би можеле да бидат уништени од градежни работи“.
A costumer accidentally found some pits on a restaurant’s ground in China’s Sichuan Province, which turned out to be footprints of dinosaurs, according to Chinese state news agency Xinhua. This is the first time that dinosaur’s footprints have been found in a restaurant.#dinosaur pic.twitter.com/2kVgo3fZhn
— Bill (@Zhaobill57) July 17, 2022
