Љубителите на романтичната музика, врвното вино и незаборавните летни вечери ќе имаат можност на 10 јули да уживаат во уникатно музичко-винско доживување на терасата на Queen’s Sunset Bar во хотелот „Инекс Олгица“ во Охрид.
Главна ѕвезда на вечерта ќе биде Павле Камилоски, кој пред охридската публика ќе настапи со внимателно избран репертоар од италијански и медитерански канцони, романтични композиции и безвременски мелодии што совршено се вклопуваат во атмосферата покрај Охридското Езеро.
Настанот се организира во соработка со винаријата „Душа“, чии премиум вина ќе бидат дел од понудата за посетителите. Комбинацијата на квалитетна музика, избрани вина и спектакуларниот поглед кон зајдисонцето над езерото ветува вечер исполнета со емоции, уживање и незаборавни моменти.
Организаторите најавуваат интимна и елегантна атмосфера, создадена за сите кои сакаат летните вечери во Охрид да ги поминат со добра музика, чаша врвно вино и прекрасен поглед кон природните убавини.
Павле Камилоски е препознатлив по своите изведби на италијански и медитерански канцони, како и по настапите во кои класичниот романтичен звук го доближува до современата публика, создавајќи посебна врска со слушателите.
Музичко-винската вечер на 10 јули на терасата на Queen’s Sunset Bar во хотелот „Инекс Олгица“ е најавена како едно од најубавите летни случувања во Охрид, нудејќи совршен спој на музика, премиум вина и магичниот охридски зајдисонце.
