Холивудската актерка Ен Хатавеј повторно го привлече вниманието на јавноста со својот впечатлив изглед, овој пат во малку поразлично издание од она на кое сме навикнати. Во период кога интензивно го промовира продолжението на култниот филм Ѓаволот носи Прада, секое нејзино појавување се претвора во вистинска модна приказна.
По неодамнешниот настап во впечатлива креација од Louis Vuitton, актерката направи неочекуван пресврт и се појави во стил кој комбинира висока мода со деловна елеганција. За гостувањето во утринската емисија Good Morning America, таа избра сив пругаст комплет составен од миди здолниште и јакна со прерамки.
Под сакото носеше едноставна црна ролка, со што го задржа фокусот на целиот деловен изглед, но и додаде доза на минимализам. Стајлингот го надополни со црн ремен со впечатлив златен круг, кој внесе модерна нота и го заокружи изгледот.
Особено внимание привлече и необичниот детаљ – ткаенина која паѓа од левата страна на комбинацијата, давајќи му дополнителна динамика и оригиналност на целиот аутфит. Целиот изглед беше дополнет со црни чевли и преголеми црни очила, што му даде доза на софистицирана мистерија.
Со овој моден избор, Ен Хатавеј уште еднаш покажа дека знае како да балансира помеѓу класиката и современите трендови, оставајќи силен впечаток каде и да се појави. Нејзината трансформација од гламурозна ѕвезда во деловна и елегантна икона само ја потврдува нејзината статус на една од највлијателните жени во модниот свет.
