Арбреша Реџепи после една минута поразена на ОИ

Македонската џудистка, Арбреша Реџепи издржа само една минута во своето олимписко деби. Утринава таа загуби со ипон од Британката, Жил Челзи, во категоријата до 52 килограми и со тоа го заврши настапот на ОИ.

Досега се натпреваруваа тројца од вкупно осуммте македонски натпреварувачи на Олимпијадата во Токио, кои како и Реџепи, ги завршија своите настапи. Вчера стрелецот Борјан Бранковски го зазеде 21-вото место во квалификациите стрелаштво со воздушен пиштол на 10 метри, како и пливачот Филип Деркоски кој заврши на последното место во квалификациите на 400 метри слободно.

Следен Македонец кој ќе одржи својот настап во Токио е Дејан Георгиевски во дисциплината таеквондо, во категорија +80 кгр. Неговиот настап е предвиден за 27 јули. 

Scroll to Top