Младинскиот репрезентативец на Македонија, Адриан Зенделовски, е на проба во Џенова, откако италијанскиот клуб покажа интерес за него. Тој играше во младинската екипа на Малме, а сега ќе се обиде да потпише договор со популарните грифони.
Зенделовски, кој е роден во 2005 година, има двојно државјанство, македонско и шведско. Тој е член на У17-репрезентацијата на Македонија и одигра три натпревари во квалификациите за ЕП. И на трите беше во стартниот состав на екипата.
За потсетување, во Џенова игра поранешниот капитен на македонската репрезентација, Горан Пандев, кој најави дека по крајот на оваа сезона ќе се пензионира.
