Македонските одбојкари попладневно заминаа во Финска, каде од 1 до 8 септември играат на Европско првенство.
На поаѓање кон аеродромот, од Одбојкарската федерација м фрлија вода за к’смет, па на социјалните мрежи објавија неколку фотки и видео.
За „црвено-жолтите“ ова ќе биде втор настап на Европско првенство, и како и пред две години во Љубљана, капитен на македонскиот национален тим ќе биде Никола Ѓоргиев.
Селекторот Душко Николиќ пред два дена го соопшти составот на играчите што ќе настапат на 32-то Европско првенство во групата Ц, што ќе се игра во Тампере, Финска. Составот е без поголеми промени во однос на претходното ЕП во Словенија, во 2019 година. Покрај дванаесеттемина од ЕП 2019, сега ќе играат Лука Костиќ и Филип Савовски, а во репрезентацијата ќе ги нема Александар Милков и Иван Андонов.
Македонија на ова ЕП е во група со Финска, Русија, Шпанија, Турција и Холандија. Европското првенство официјално стартува на 1 септември.
За потсетување, во јуни кога фудбалерите заминуваа на Европско првенство, исто така беа испратени со вода за к’смет.
